Craolfaidh TG4 agus BBC Thuaisceart Éireann dhá shraith nua an tseachtain seo chugainn de thoradh maoinithe ón Chiste Craoltóireachta Gaeilge i dTuaisceart Éireann.
Craolfaidh TG4 sraith drámaíochta faoi thréidlianna, Adharca Fada, agus sraith cheoil, An Stuif Ceart, a bheidh ag dul amach ar an BBC.
Is iad seo na chéad fhiontair theilifíse a bheidh le feiceáil mar gheall ar urraíocht an chiste, ciste a bunaíodh de bharr Chomhaontú Bhéal Feirste.
Tá mórán aisteoirí aitheanta ón Tuaisceart páirteach in Adharca Fada: Pilib Mac Cathmhaoil; Niall Ó Cíosóg; Seán Mac Seáin agus Frances Quinn. Liosta le lua iad na ceoltóirí agus na grúpaí a bheidh le feiceáil ar An Stuif Ceart: Bréag; Juliet Turner; Kila agus Méabh O'Hare, Conor Byrne & Brendan Quinn.
Craolfar Adharca Fada ar TG4 oíche Luain ag 10pm agus beidh An Stuif Ceart le feiceáil ar BBC2 Thuaisceart Éireann oíche Mháirt ag 8pm.