Tuarascáil

Fionn Mac Cumhaill sa ré dhigiteach

An Fhiannaíocht at thugtar ar na scéalta, dánta agus laoithe a cumadh, faoin ngaiscíoch iomráiteach Fionn Mac Cumhaill agus na Fianna

Éamonn Bulfin i bpáirt Chairbre in ‘The Coming of Fionn’ le Standish O’Grady. Bhí Bulfin ina réabhlóidí in Éirí Amach 1916 ina dhiaidh sin. (Creidmheas: Músaem na bPiarsach agus Páirc Naomh Éanna)

Éanna Ó Caollaí
Mon Jul 3 2023 - 00:59

“Fiannaíocht sa ló, is á bhrionglóid san oíche,” a deir an seanfhocal. Caitheamh anuas nó spochadh atá ansin ar an aislingeach (dreamer) is dóigh.

Ach cé eile ach aislingeach a chreidfeadh agus iad i dtithe airneáin, nó ag éisteacht cois tine fadó le scéalta, filíocht agus laoithe na Féinne, go mbeadh deis ag a sliochtach teacht ar na scéalta áit ar bith ar domhain ina mbeadh siad agus ag am ar bith a thogródh siad?

Seoladh an acmhainn úrnua Bunachar Bhéaloideas na Féinne le déanaí. Tá an Fhiannaíocht ar an mbailiúchán scéalaíochta is líonmhaire dá bhfuil ann sa traidisiún Gaelach.

Tá breis agus 3,500 scéal agus amhrán Fiannaíochta a bailíodh in Éirinn, in Albain agus ar Oileán Mhanainn, curtha ar fáil don phobal agus iad curtha ar fáil i gceithre theanga — Gaeilge na hÉireann, Gaeilge na hAlban, Gaeilge Mhanann, agus Béarla.

READ MORE

Is le maoiniú ó Ollscoil Harvard agus ó Chlár Tacaíochta Eisimirceach Rialtas na hÉireann a cuireadh an tionscadal seo ar an bhfód.

Reáchtálfar ceardlann ar an ábhar i Leabharlann Dhún Dealgan ar an 6 Iúil ag 6.30pm. Chun tuilleadh eolais a fháil faoin mBunachar Béaloidis, nó chun nascleanúint a dhéanamh ar na scéalta agus na hacmhainní, tabhair cuairt ar fionnfolklore.org nó lean @fionnfolklore (twitter) nó seol ríomhphost chuig fionnfolklore@gmail.com.

Éanna Ó Caollaí

Éanna Ó Caollaí

Iriseoir agus Eagarthóir Gaeilge An Irish Times. Éanna Ó Caollaí is The Irish Times' Irish Language Editor, editor of The Irish Times Student Hub, and Education Supplements editor.

LATEST STORIES