Tá Seachtain na Gaeilge ar an fhód ón bhliain 1902 agus ba é an eagraíocht náisiúnta Conradh na Gaeilge a bhunaigh ar dtús é. Tá sé anois ar an fhéile Ghaeilge is mó ar domhan leis na milliúin daoine páirteach i ngach cineál imeachta gach bliain: ceolchoirmeacha, ranganna aclaíochta, ceardlanna idirghníomhacha agus seónna beo, le cois go leor eile. Is í an aidhm atá taobh thiar den fhéile ná an teanga a cheiliúradh i measc foghlaimeoirí agus cainteoirí dúchasacha araon, feiceálacht na Gaeilge a ardú go hidirnáisiúnta, agus úsáid na Gaeilge a normalú trí imeachtaí agus feachtais den scoth.
Níl sa liosta seo ach spléachadh ar chuid de na himeachtaí a bheidh ag titim amach ó cheann ceann na tíre ag tús na míosa seo chugainn. Is féidir teacht ar tuilleadh imeachtaí SnaG ag sceal.ie/imeachtai.
Pop-Up Gaeltacht le Snámh agus Seomra Allais
Lakeside Sauna, Rinn na mBan, Cill Dalua, Co. an Chláir
READ MORE
Dáta: 1 Márta 2026, 11am
Costas: Saor in aisce
Teacht le chéile le haghaidh snámha agus seomra allais, agus deis den scoth do chúpla focal a úsáid mura mbíonn tú rófhuar!
Ticéid: Déan teagmháil le Nadine 085 133 2226
Déan do Shraith Pictiúr Féin le Sí-bín agus Carmen Quigley
Bewley’s Cafe, 78-79 Sráid Grafton, Baile Átha Cliath
Dáta: 5 Márta 2026, 6.30pm
Costas: €15
Deis a bheidh sa cheardlann seo a bheith cruthaitheach agus do Shraith Pictiúr féin a chruthú bunaithe ar chultúr pobail na hÉireann. Idir an dá linn, beidh tae, caife agus taosráin ar fáil i seomra álainn James Joyce i gCaifé Bewley’s.
Ticéid: ticketsource.com ‘Déan do Shraith Pictiúr Féin’
Ceardlann Filíochta le Ciara Ní É
Tigh Uí Bhruaidí, 97 Sráid Mhaoilbhríde, Baile Átha Cliath
Dáta: 5 Márta 2026, 7pm
Costas: Saor in aisce
Ceardlann scríbhneoireachta ina bhfiosraítear dhá theicníc chruthaitheacha: Dánta Dubha (blackout poems) agus Gearrthóga (cut-ups). Cuirfear na hábhair uilig ar fáil ar an oíche.
Ticéid: eventbrite.com ‘Dánta Dubha agus Gearrthóga’
Comórtas Púil trí Ghaeilge
The Whitefort, 67 Bóthar Bhaile Andarsan, Béal Feirste
Dáta: 5 Márta 2026, 7.30pm
Costas: £5
Comórtas iomaíoch púil do Ghaeilgeoirí ag gach leibhéal. Beidh duais £200 don bhuaiteoir ar an oíche.
Ticéid: eventbrite.com ‘Craobh Uí Thuama’
Siamsa Márta agus Comórtas Jiveála
Tigh Terry An Chéibh, Ros a Mhíl, Co. na Gaillimhe
Dáta: 6 Márta 2026, 8.30pm
Costas: €10
Oíche shiamsaíochta eagraithe ag BÁNÚ, an brúghrúpa tithíochta. Beidh ceol beo le Glór na dTonn agus le Colm Seoighe agus na hEasógaí, agus duais €200 do bhuaiteoirí an chomórtais jiveála. Tabharfar brabús na hoíche uilig do BÁNÚ.
Ticéid: Níl aon ghá clárú roimh ré, buail isteach ar an oíche!
Lá Spraoi do Theaghlaigh
Leabharlann Cheannais Mhic Sheáin, Baile an Chabháin
Dáta: 7 Márta 2026, 10am
Costas: Saor in aisce
Ócáid saor in aisce do theaghlaigh le sorcas idirghníomhach, scéalaíocht le Leabhar Power Peadar, agus ceardlann drumadóireachta dhátheangach.
Ticéid: Leathanach Instagram @gaelphobalcn
Rang Cothabhála Rothair trí Ghaeilge
The Rediscovery Centre, Bóthar Baile Munna, Baile Átha Cliath
Dáta: 7 Márta 2026, 10am
Costas: €50
Foghlaim scileanna deisiúcháin rothair agus cuir ceisteanna ar na saineolaithe mar chuid den chúrsa ar leith seo. Mura bhfuil tú in ann do rothar féin a thabhairt leat ar an lá, seol ríomhphost chuig bikes@rediscoverycentre.ie agus cuirfear rothar ar fáil duit. 16+
Ticéid: eventbrite.ie ‘The Rediscovery Centre’
Ceardlann Eagarthóireachta Vicipéid
Arts at Civic Trust House, 50 Cé Pope, An Seandún, Cathair Chorcaí
Dáta: 7 Márta 2026, 11am
Costas: Saor in aisce
Seo do sheans foghlaim faoin eagarthóireacht ar Vicipéid, an leagan Gaeilge de Wikipedia. Díreofar sa cheardlann seo ar an bhearna inscne ar Vicipéid agus conas é sin a laghdú agus muid ag druidim le Lá Idirnáisiúnta na mBan. Is cuma cén taithí eagarthóireachta atá agat, cuirfear fáilte roimh chách.
Ticéid: Leathanach Instagram @wikimediaie
Ó Ráth Cruachan go Reilig na Rí
Ionad Cuairteoirí Ráth Cruachan, Tuilsce, Co. Ros Comáin
Dáta: 7 Márta 2026, 12pm
Costas: Saor in aisce
Turas treoraithe as Gaeilge ar Shlí Seandálaíochta Ráth Cruachan, an bealach ar fad ó Ráth Cruachan go Reilig na Rí. Beidh sólaistí ar fáil do shiúlóirí ina dhiaidh.
Ticéid: Déan teagmháil le info@rathcroghan.ie
Poirt agus Píotsa
Lighthouse Tavern, Earra Thíre na Binne, Port an tSalainn, Co. Dhún na nGall
Dáta: 7 Márta 2026, 8pm
Costas: Saor in aisce
Oíche bheo bhríomhar le ceol ó Chomhaltas Chraobh Fhánada agus píotsa blasta ó Napoli Pizza. Beidh fáilte roimh cheoltóirí nua ar an oíche fosta.
Ticéid: Buail isteach ar an oíche!
Ceolchoirm Kíla
Áras Chrónáin, Cluain Dolcáin, Baile Átha Cliath
Dáta: 7 Márta 2026, 8pm
Costas: €17
Tá Kíla ar cheann de na bannaí ceoil dhomhanda agus thraidisiúnta is mó le rá in Éirinn ó bunaíodh an grúpa sna 1980idí. Craic mhaith agus ceol den scoth a bheidh ar an ardán an oíche seo. 18+ amháin
Ticéid: araschronain.ie
Comórtas Rince Seite
Tigh Chualáin, Coill Rua Thoir, Indreabhán, Co. na Gaillimhe
Dáta: 9 Márta 2026, 7.30pm
Costas: Saor in aisce
Comórtas atá eagraithe ag an Chumann Rince Seite, Ollscoil na Gaillimhe. Beidh ar fhoirne 3 fhigiúr a léiriú: figiúr amháin de rogha na foirne féin, figiúr amháin de rogha na moltóirí de sheit seanbhunaithe, chomh maith le figiúr amháin de sheit nuachumtha de chuid na foirne. Beidh seisiún ceoil agus damhsa i ndiaidh an chomórtais agus cuirfear sólaistí ar fáil.
Ticéid: Fáilte roimh chách ar an oíche
Rang Zumba trí Ghaeilge
Embody Fitness, Caladh an Treoigh, Co. Luimnigh
Dáta: 11 Márta 2026, 6pm
Costas: Saor in aisce
Rang aclaíochta trí Ghaeilge, eagraithe ag Coiste na dTuismitheoirí, Gaelscoil Chaladh an Treoigh. Beidh an rang seo oscailte do dhaoine fásta agus do pháistí 8 mbliana d’aois agus níos sine.
Ticéid: Déan teagmháil le hÁine 085 724 5563
Oíche Scannáin
The Ballymac Bar, 85 Bothar Buí, Trá Lí, Co. Chiarraí
Dáta: 12 Márta 2026, 7pm
Costas: €7
Oíche scannáin trí Ghaeilge i gcroílár Thrá Lí, arna heagrú ag Craobh Thrá Lí de chuid Chonradh na Gaeilge.
Ticéid: Fáilte roimh chách!
GaelGáirí
The Social, Bóthar na Trá, Dóirí Beaga, Co. Dhún na nGall
Dáta: 12 Márta 2026, 8pm
Costas: €10
Oíche ghrinn trí Ghaeilge lán le craic agus spraoi leis na fuirseoirí aitheanta Seán T Ó Meallaigh, Bláithín de Búrca, Cúán de Búrca agus Justin Cassidy ina measc. 18+ amháin
Ticéid: eventbrite.com ‘GaelGáirí’
Aqua Céilí
Linn Snámha Shráid Sheáin Mhic Dhiarmada, Muinseo, Baile Átha Cliath
Dáta: 13 Márta 2026, 6.30pm
Costas: €5
Foghlaimeoidh rannpháirtithe damhsaí céilí san uisce, in atmaisféar dearfach, taitneamhach agus beomhar. Cuirfear tae, caife agus cístí ar fáil i ndiaidh an imeachta ionas go mbeidh deis ag na rannpháirtithe labhairt lena chéile. Fáilte roimh chách.
Ticéid: Leathanach Instagram @gael_linn (nasc sa bio)
Tráthnóna Tapas agus Trad
An Nead, 19/20 Sráid na Páirce, Baile Mhuineacháin
Dáta: 13 Márta 2026, 7pm
Costas: Saor in aisce
Cuirtear fáilte roimh dhaoine sna 20idí agus sna 30idí teacht isteach chuig An Nead, cluichí boird a imirt, sult a bhaint as ceol traidisiúnta, bia blasta a ithe agus an Ghaeilge a labhairt.
Ticéid: Buail isteach ar an oíche!
Ceolchoirm Grooveline agus Jack Houston Trio
Cultúrlann Uí Chanáin, 37 Mórshráid Shéamais, Cathair Dhoire
Dáta: 17 Márta 2026, 6pm
Costas: £20
Beidh oíche lán le fuinneamh ag tarlú i nDoire Lá Fhéile Pádraig, le ceol a chuirfidh ag damhsa thú ón ghrúpa Grooveline agus tacaíocht den scoth ón Jack Houston Trio. Moltar ticéid a cheannach go luath.
Ticéid: ticketsource.co.uk ‘Cultúrlann Uí Chanáin’
