Beidh Féile Scannán Muirí Oileán Thoraí le tosú seachtain ón lá inniu agus mairfidh sí cúig lá. Seo an dara bliain don fhéile seo bheith ar siúl istigh i dToraigh, Co Dhún na nGall, agus is é "Laochra Loingseoireachta" téama na bliana seo.
Ocht scannán a taispeánadh anuraidh agus 35 cinn a bheidh le feiceáil i mbliana. Beidh an taiscéalaí mara, Tim Severin, ar ais mar aoi speisialta. Le cois na scannán, beidh ceardlanna agus ócáidí ceoil ar siúl.
Tá bus saor in aisce ó Leitir Ceanainn agus ó aerphort Charraig Fhinne go cé Mhachaire Rabhartaigh do dhuine ar bith atá ag iarraidh freastal ar an fhéile.
Eolas: www.toryfilmfestival.com