Na Maoinigh

Tá níos mó i gceist le hoideachas ná airgead agus ranganna

Ionad Rockefeller, Nua-Eabhrac. grianghraf: stan honda/afp/getty images

Ionad Rockefeller, Nua-Eabhrac. grianghraf: stan honda/afp/getty images

 

Is ea, leis. Ní botún cló atá sa teideal thuas, óir ní Muimhnigh ná Múnaigh ná Moonies atá i gceist agam ann, ach go díreach daoine a bhfuil níos mó maoine acu ná mar a bheadh ag milliún eile ar ghnáth-thaobh an tsrutha.

Daoine a bhfuil breis de speilp an tsaoil acu ná mar a d’fhéadfadh siad a chaitheamh dá mbeadh siad go léir ina Rockafellas ar feadh cúpla beatha shaoil.

Ní hé go bhfuil aon chaitheamh agam i ndiaidh na Maonach. Go deimhin, conas ab fhéidir leat déileáil leis na fadhbanna laethúla a bhíonn acu? An í léine Amiri, nó pampútaí Prada Derby a chuirfidh mé orm ar maidin go moch is mé i bhfeidhil mo stoic – ar an margadh?

An sparán de chuid Ginza Tanaka a thabharfaidh mé liom don opera, nó gúna a dhearaigh Nábla Ní Nóinín don lón sin lár an lae?

Níor mhaith liom fadhbanna mar iad a bheith agam le réiteach, go háirithe toisc go mbeadh orm fadhbanna níos caoile a chur trí chéile roimh thitimín na hoíche.

Is é fáth mo bhuartha ina dtaobh, agus is buairt mhór í – toisc gur gean liom gach aon saghas amadáin – go bhfuil siad ar tí meánscoil nua staidealaíonda suaschundátaúil todhchaídíonta, féachaintaraghaidheach a bhunú abhus in Éirinn.

Sa chás anois is nach dtuigeann tú na focail mhóra sin lastuas, is léir nach bhfuil Béarla ach an oiread agat. Má tá cead agat focail gan bhrí nó lánchlichéúil a chleachtadh gan faiteadh leathshúile sa Bhéarla, níl aon chúis nach rachadh an Ghaeilge le fána gan bhrí ach oiread.

Dá réir sin, tá ‘state of the art’, ‘up-to-date,’ ‘future proofed’ agus ‘forwardlookingish’ i bhfolach sa mhéid sin. Mura gcuirtear sna foclóirí Gaeilge go fóill iad, ní fál go haer é, ná lá an Luain, ná glám in aghaidh easa, ná ósbairt féin.

Go dearfa, tá an focal ‘fáistineachfheallchosanta’ go díreach ceapaithe agam, ach ní móide go scaipfear rófhairsing é.

Dob fhéidir liom Béarla a chur air, ach tá an colún seo róchúng dó.

Is í Scoil Nord Anglia .i. Scoil Shasana Thuaidh, nó The National Organisation School for Renal Disorders in the Late Mediaeval Latin Name for England is brí cheart leis, ainm arb ait liom é, caithfead a rá. Deirtear go gcosnóidh táille bliana suas go dtí €24,000 ar son dalta nó dailtín a chur ann. Ní fios conas a áireofar sin in zlotyeachaí ná denarííí ná seicil, ná bitcháineachaí ach an oiread.

Is é rud is mó a chuir uafás agus alltacht agus líonrith scanraidh, gan trácht ar an scudal a chur trasna orm, ná go raibh seomra traidisiúnta teagaisc sa phictiúr den scoil a chonaic mise! Múinteoir ina sheasamh os a gcomhair amach, clár dubh nó bán laistiar de, rud éigin ar nós cailce nó crián nó marcóir sa láimh aige, na dailtíní ina suí ag deisceanna nó ag boird chomh seanfhaiseanta le bosca teileafóin, agus é ag caint leo…!

É seo ar fad ar €24,000 sa bhliain! Nach bhféadfaí seo a dhéanamh saor in aisce ar chostas an Stáit agus na ngnáthdhaoine, ar gnáthdhaoine iad gach duine ar aon nós?

Ó sea, as an airgead sin, tá seans maith go rachadh na dailtíní ag snámh san Amazóin, agus go bhfaigheadh siad héileacaptar go hEverest, agus go mblaisfeadh siad de bhianna an tsaoil.

Ach ní fheicfeadh siad an duine lasmuigh den doras, ná ní chloisfeadh siad geonaíl na mbocht, ná ní mhothódh siad 99.99 faoin gcéad den saol. Sin mar is ansa le Maoinigh é, faraor.

Ní oideachas é sin, ach príosún.

The Irish Times Logo
Commenting on The Irish Times has changed. To comment you must now be an Irish Times subscriber.
SUBSCRIBE
GO BACK
Error Image
The account details entered are not currently associated with an Irish Times subscription. Please subscribe to sign in to comment.
Comment Sign In

Forgot password?
The Irish Times Logo
Thank you
You should receive instructions for resetting your password. When you have reset your password, you can Sign In.
The Irish Times Logo
Please choose a screen name. This name will appear beside any comments you post. Your screen name should follow the standards set out in our community standards.
Screen Name Selection

Hello

Please choose a screen name. This name will appear beside any comments you post. Your screen name should follow the standards set out in our community standards.

The Irish Times Logo
Commenting on The Irish Times has changed. To comment you must now be an Irish Times subscriber.
SUBSCRIBE
Forgot Password
Please enter your email address so we can send you a link to reset your password.

Sign In

Your Comments
We reserve the right to remove any content at any time from this Community, including without limitation if it violates the Community Standards. We ask that you report content that you in good faith believe violates the above rules by clicking the Flag link next to the offending comment or by filling out this form. New comments are only accepted for 3 days from the date of publication.