Comhairle bhaoth

Tá dualgas ar dhaoine geit a bhaint astu féin – agus a gcuid leabhar féin a roghnú

Kim agus Kanye. grianghraf: harry how/getty images

Kim agus Kanye. grianghraf: harry how/getty images

 

‘Ná léitear leabhair mhóréilimh!’

Iarradh orm uair amháin comhairle a chur ar scata mac léinn a bhí ag dul i mbun an tsaoil. Ní fhéadfainn cuimhneamh ar aon rud níos fearr ná sin. Ní hé go rabhas ag iarraidh daoine a chur ó dhoras thionscal na foilsitheoireachta – ceann de na tionscail is mó tábhacht atá againn – ach go díreach ag meabhrú gur cheart do dhaoine machnamh a dhéanamh dóibh féin.

Tharla go bhfaca mé lámh in airde uair amháin le linn léachta a bhí á tabhairt agam. Duine éigin ag lorg eolais, arsa mise liom féin, boc fiosrach ní foláir.

Rud annamh ann féin ba ea ceist im chuid ranganna, óir shíl mé gach a raibh á rá agam a bheith mós soiléir. Ceist chasta éigin a bhí idir chamáin phléite agus mé ag iarraidh gach cúinnín den fhadhb a fhreastal.

‘Cén fáth nach ndeireann tú linn cad é go díreach atá ag teastáil uait sa scrúdú,’ ar seisean, ‘agus scríobhfaimid síos duit é.’

Sea, ar mh’anam! Tuigim dá dtuigfeá dó. Tá an saol ag cur thar maoil agus á luchtú síos le faisnéis, le heolas, le hábhar a phléascfadh an cloigeann is mó amuigh.

Oscail leat do ríomhaire glún féin agus tiocfaidh ina slaoda chugat: go bhfuil deartháir ag Ewan McGregor arb é a chrutaon é, go bhfuil áras mór ag bean chéile Jamie Oliver ar fiú £8.9 milliún é…

Maidir liom féin, is róchuma liom cad a dhéanann One Direction le linn sosa a bheadh tuillte acu, nó cé mhéid sconna óir atá ag Kardashian éigin ina leithreas, nó cén fad é an scuaine i gcomhair bróga Kanye West lasmuigh de shiopa Oscar de la Renta. Gan amhras, is cás liom cad é an chéad scannán eile a dhéanfaidh Ryan Corr, óir is duine daonna mé.

Mór idir na haimsirí. Bhí tráth ann nuair a ligeadh ollscoileanna san Eoraip dá gcuid mac léinn a gcuid ceisteanna féin a chumadh. Is mó duine anois a bhfuil cathú air nár fhreastail sé ar choláiste mar é.

Nó, an nós a bhíodh ann ceisteanna diamhara a chur ar pháipéir fealsúnachta: ‘Cad is misneach ann?’ D’fhág mac léinn amháin an freagra folamh, seachas na focail ‘Seo misneach,’ go lom leo féin a scríobh. Ba dhóigh leat gurbh fhírinní ‘Seo póit’ a chur síos.

Tá daoine adeir, fara fealsaimh mhóra an domhain ar nós Socraitéas, Aibhistín, Schopenhaur agus Wittgenstein gur chóir go n-áireofaí an tUasal Google ina measc. Ach ar nós peileadóirí áirithe a bhfuil sé amuigh orthu go bhfuil inneall iontach iontu ach iad ar díth intinne, caithfear a rá nach bhfuil aon inchinn ach an oiread ag Google. Ní foláir machnamh éigin a dhéanamh duit féin.

Chuige sin an t-áiteamh gan leabhair mhór-ráchairte, nó saothair mhóréilimh a cheannach.

Nuair a bhíonn páistí óg tugann tuismitheoirí isteach sa siopa leabhar nó sa leabharlainn féin iad agus ligeann dóibh dul ag ransú agus ag roghnú dóibh féin le flaithiúlacht na saoirse. Is é sin, mura bhfuil siad sprionlaithe ar nós an athar úd a thug a chuid leanaí amach chun cuairt a thabhairt ar uaigh Santa Claus roimh Nollaig.

Saoirse sin do rogha bhóthair a leanúint, baintear díot é leis an tathant go gcaitheann tú an rud atá á léamh ag cách a chéile a cheannach. Cad a tharla don ród “less travelled by,” mar a mhaígh Robert Frost.

Nó comhairle Sheosaimh Mhic Grianna: “Siúl sna háiteachaí nach siúlann daoine eile, fiú mura bhfeicfidh tú iontu ach tithe cearc.”

Tá dualgas ar dhaoine geit a bhaint astu féin, agus ní dhéanfaidh siad sin má leanann siad an mótarbhealach go cathair na ngnás.

The Irish Times Logo
Commenting on The Irish Times has changed. To comment you must now be an Irish Times subscriber.
SUBSCRIBE
GO BACK
Error Image
The account details entered are not currently associated with an Irish Times subscription. Please subscribe to sign in to comment.
Comment Sign In

Forgot password?
The Irish Times Logo
Thank you
You should receive instructions for resetting your password. When you have reset your password, you can Sign In.
The Irish Times Logo
Please choose a screen name. This name will appear beside any comments you post. Your screen name should follow the standards set out in our community standards.
Screen Name Selection

Hello

Please choose a screen name. This name will appear beside any comments you post. Your screen name should follow the standards set out in our community standards.

The Irish Times Logo
Commenting on The Irish Times has changed. To comment you must now be an Irish Times subscriber.
SUBSCRIBE
Forgot Password
Please enter your email address so we can send you a link to reset your password.

Sign In

Your Comments
We reserve the right to remove any content at any time from this Community, including without limitation if it violates the Community Standards. We ask that you report content that you in good faith believe violates the above rules by clicking the Flag link next to the offending comment or by filling out this form. New comments are only accepted for 3 days from the date of publication.