INSEALBHAÍODH AN scríbhneoir agus craoltóir, Liam Mac Con Iomaire, mar Uachtarán an Oireachtais 2009, ag searmanas speisialta i mBaile Átha Cliath inné. Is as Doire an Fhéich i gConamara ó dhúchas do Mhac Con Iomaire agus tá a shaol oibre ar fad caite i mBaile Átha Cliath aige.
Fear ildánach é a bhfuil aithne mhór air de bharr a chuid oibre mar údar agus theagascóir. Tá spéis mhór aige san amhránaíocht ar an sean-nóis agus bhí sé ar dhuine de bhunaitheoirí Sean-Nós Cois Life, féile amhrán bliantúil Bhaile Átha Cliath.