Craolfaidh TG4 clár faisnéise, Man Bites Dog M'Uncail, ar an iriseoir Dónal Foley san oíche amárach ag 8pm.
Fuair Foley bás tá 25 bliain ó shin. Ba é a bhunaigh Tuarascáil, colún a chuir borradh faoi chúrsaí Gaeilge san Irish Times; scríobhadh sé colún i mBéarla, Man Bites Dog agus ba Eagarthóir Nuachta agus Leas-Eagarthóir é sa nuachtán fosta.
Tá a neacht, Catherine Foley, ina hiriseoir leis an Irish Times agus is í a insíonn scéal a huncail agus is í deirfiúr Catherine, RoseAnn, a stiúraigh an clár. Ar na daoine a chuireann síos ar shaol agus ar shaothar Dhónail, tá an t-údar Maeve Binchy, an léiritheoir teilifíse Muiris Mac Congháil agus an léachtóir Eoin Ó hAnluain.