Tá dráma nua ag an chompántas puipéad, Fíbín, Na Foghlaithe Mara agus an Eochair Órga.
"Scéal gaisce lán grinn agus gníomhartha, le comhrac claímh, ollphéisteanna mara agus an dúrud óir," a ghealltar. Maraíonn an foghlaí bithiúnta, an Caiftín Dúchroíoch an Rí agus goideann sé an Eochair Órga a osclaíonn doras olltaisce na Ríochta. Cuireann an Banphrionsa Sorcha chun siúil le díoltas a bhaint amach agus an Eochair Órga a athghabháil. Tagann sí a fhad leis an Chaiftín Dúchroíoch ach cloíonn sé í agus tugtar ina cime í ar bord loinge na bhfoghlaithe agus imíonn siad i dtreo an Oileáin Órga...
Beidh Na Foghlaithe Mara agus an Eochair Órga ar siúl i dTaibhdhearc na Gaillimhe Dé Luain agus Dé Máirt agus ag féile ealaíon Aisling, an Longfort, Dé Luain, 24ú, Deireadh Fómhair. Eolas: 091-505926