BEIDH SCOIL Earraigh ar phleanáil teanga ar siúl in Acadamh na hOllscolaíochta Gaeilge, OÉ, Gaillimh, Dé Luain agus Dé Máirt.
Is é an Dochtúir Conchúr Ó Giollagáin atá i mbun na scoile. Dúirt sé go raibh an ócáid á reáchtáil “ag tréimhse thar a bheith cinniúnach don Ghaeilge i ngeall ar na leasuithe reachtúla agus ar an gcur chuige pleanála teanga atá á mbeartú faoi láthair don Ghaeilge agus don Ghaeltacht.” Thabharfadh an scoil deis do lucht na Gaeilge ceisteanna móra ar phleanáil teanga a phlé le saineolaithe idirnáisiúnta a raibh spéis ar leith acu i mionlaigh teanga. Beidh aoichainteoirí as Albain, an Bhreatain Bheag agus na Stáit Aontaithe i láthair.
Eolas: 091-595101