Beidh comhdháil lae ar Léann na Gaeilge ar Choláiste Ollscoile, Baile Átha Cliath, in Áras John Henry Newman, Belfield, Dé Sathairn ag 9.15 a.m.
Is in ómós don Ollamh Tomás Ó Con Cheanainn atá an lá á reáchtáil. Tá clú ar an Ollamh Ó Con Cheanainn as a chuid obair scolártha i stair lámhscríbhinní na Gaeilge, mar bhéaloideasóir agus mar eolaí ar sheachadaíocht téacsaí liteartha.
Beidh cainteanna i nGaeilge agus i mBéarla ann. Labhróidh an tOllamh Pádraig Breatnach ar "Scríbhinní i láimh Eoghain Ruaidh Mhic an Bhaird"; Regina Uí Chollatáin ar "An chonspóid idir Conradh na Gaeilge agus an Rialtas faoi pholasaí Gaeilge an Stáit 1929-32" agus Tadhg Ó hAnnracháin ar "The poet and the mutinities in Munster: Pádraigín Haicéad and the Munster army, 1647".
Tá irisleabhar nua, Léann, le foilsiú ag Roinn na Gaeilge agus an Léinn Cheiltigh ar Ollscoil na Ríona, Béal Feirste, i mí Lúnasa ar an bhliain seo chugainn.
Is iad príomhchuspóirí an fhoilseacháin: saothar taighde a chur i gcló a bhaineann le gnéithe éagsúla de léann is de shaíocht na nGael; béim a chur ar stair, ar chúlra agus ar chritic na litríochta; gnéithe comparáideacha litríochta idir Éirinn, Albain, Oileán Mhanann, srl, a chothú agus plé a spreagadh ar na gnéithe seo trí Ghaeilge agus Ghàidhlig.
Cuireann eagarthóir na hirise, Micheál Ó Mainnín, fáilte roimh ábhar. Eolas: 048-90273717 nó m.omainnin@qub.ac.uk