Tá craoltóirí raidió na Gaeilge, thuaidh agus theas, ar ghearrliosta Ghradaim PPI i mbliana. Beirt as RTÉ Raidió na Gaeltachta – Eibhlín Ní Chonghaile agus Máire Bríd Ní Chualáin – atá luaite agus triúr a bhíonn ag obair le BBC Raidió Uladh – Daithí Ó Muirí, Treasa Bhreathnach agus Louise McCreesh – atá ag coinneáil cuideachta leo.
Tá Ní Chonghaile ainmnithe sa rannóg do Chraoltóir Raidió na Bliana do Chlár Cainte. Tá sí i mbun Iris Aniar ó bhí 2009 ann, clár irise a mbíonn scéalta polaitíochta, pobail agus siamsaíochta faoi chaibidil ann. Tá Máire Bríd Ní Chualáin ainmnithe sa chatagóir do chraoltóirí nua ag na gradaim. Níl sí ach i dtús a gairm mar chraoltóir agus í 20 bliain d'aois.
Tá sí sa bhliain dheireanach sa chúrsa BA sa Chumarsáid in Acadamh na hOllscolaíochta Gaeilge ar Ollscoil na hÉireann, Gaillimh.
![](https://www.irishtimes.com/resizer/CnnXn-w9XyX1wFna1usi2FIf4C8=/1440x0/filters:format(jpg):quality(70)/cloudfront-eu-central-1.images.arcpublishing.com/irishtimes/WIYT4TU2CBRSZRE4GHNTV4VYF4.jpg)
An mbeidh an focal scoir ag craoltóirí Raidió Uladh?
Tá Treasa Bheathnach ainmnithe sa rannóg Craoltóireacht le Gaeilge as a clár, Muidinne agus na Manannaigh; Louise McCreesh as a clár faisnéise, Culchie and Proud, agus tá Daithí Ó Muirí ainmnithe as a bheith ina chraoltóir nua.
Briatharchath ceart mar sin!