Beidh an Fhéile Náisiúnta Drámaíochta ar siúl ar an Cheathrú Rua, Co na Gaillimhe, ag an deireadh seachtaine. Bainfear úsáid as dhá ionad le linn an deireadh seachtaine - Scoil Chuimsitheach Chiaráin agus Scoil Mhic Dara.
Ag 8.30 p.m oíche Aoine, léireoidh Aisteoirí Mhic Easmuin Chun na Farraige Síos le J.M. Synge agus beidh Aisteoirí an Lóchrainn i mbun Scéal Chiarán Gruagach le Myles de Búrca.
Cuirfear tús leis na drámaí ag 11 a.m. Dé Sathairn le An Seomra Thuas Staighre le Deirdre Ní Chonghaile, á léiriú ag Cumann Drámaíochta na Gaoluinne, Ollscoil Chorcaí. Beidh An Ghráin agus an Ghruaim le hAlan Titley á léiriú ag Aisteoirí Bulfin ag 2.30 p.m. agus léireoidh Aisteoirí Bhréanainn Áine ag 8.30 p.m.
Beidh saothar nuascríofa, Taiscill, le Bairbre de Barra á léiriú ag an Chumann Drámaíochta, Ollscoil na hÉireann, Gaillimh, Dé Domhnaigh ag 1.30 p.m.
Ag 3 p.m. cuirfidh Compántas Chorcaí Cian is Cóngar le Dermot Bolger ar an stáitse agus beidh cóiriú Gaeilge le Seán Ó Morónaigh de Bearbóir Seville le hAisteoirí Chúil Aodha ag 6 p.m.
Bronnfaidh Leas-Phríomfheidhmeannach Fhoras na Gaeilge, Deirdre Davitt, gradaim na féile oíche Dhomhnaigh ag 8 p.m., tráth a chraolfaidh RnaG clár beo ón láthair. Eolas: 091-574146 nó eolas@drama-gaeilge.com