D’FHÓGAIR Aire na Gaeltachta, Pat Carey, inné go raibh an chéad tréimhse comhairliúcháin den athbhreithniú ar Chaighdeán Oifigiúil na Gaeilge ar bun. (Tá an t-iriseoir seo ar Choiste Stiúrtha ar an Athbhreithniú.)
Dúirt Carey go raibh sé ag iarraidh cur i gcuimhne don phobal nach raibh “ach coicís fágtha go dtí an spriocdháta. Tá a fhios agam go bhfuil suim ar leith ag an bpobal san obair seo. Molaim go láidir do gach duine a bhfuil suim acu san obair seo páirt iomlán a ghlacadh sa phróiseas, agus plé tomhaiste a bheith acu ar na ceisteanna gramadaí ar leith agus ar na mórcheisteanna prionsabail araon.”
Dúirt sé nár cheart do dhaoine dearmad a dhéanamh go raibh an t-athbhreithniú ag iarraidh dioscúrsa a bhunú a rachadh chun tairbhe na Gaeilge go ceann tamaill fhada agus go mbraithfeadh caighdeán an dioscúrsa ar rannpháirtíocht an phobail féin. Bhí fáilte roimh dhaoine a gcuid tuairimí a chur go aco@pobail.ie