Fós féin, in ainneoin...

Dúinne, laoch fomhórach is ea aon duine a ghabhann i ngar don chraobh

grianghraf: reuters/toby melville

grianghraf: reuters/toby melville

 

Tá cluichí móra na nOilimpeacha tosnaithe cheana féin. Tháinig siad aniar aduaidh orainn mar a bheadh lúthchleasaí ón Vatacáin, mar shnámhaí sneachta ó Mhali, mar mhún luiche ar scamall le ciúnas.

Sa mhéid is gur músclaíodh sinn, b’iad na scanaill a chuaigh i bhfeidhm. Formhór d’fhoirinn na Rúise á gcosc, míoltóga ag baint a snap féin as an bpobal, na hionaid gan a bheith réidh ullamh.

Agus níor luaigh mé drugaí fós.

Ní dócha go raibh cluichí Oilimpeacha riamh ann gan uafás éigin a bheith laistiar díobh i bhfios, nó níos minicí go mór, i ngan fhios dúinn. Sa tSean-Ghréig is in ómós don Dia Séus a reáchtáiltí na cluichí, agus fág nach luaitear rómhinic anois é, is fearr an aithne atá againn ar a chara Mamón faoi thuairim na haimsire seo. Deirtear nuair a bhuaigh Triptolemus an rás gairid sa bhliain 666 BC gur bhain sé cor coise as Luasander a bhí á scoitheadh go mear ach nach bhféadfaí é sin a chruthú de cheal Hawkeye.

Ní féidir polaitíocht nó caimiléireacht nó cleasaíocht (nach bhfuil lúfar) a fhágáil i leataoibh na slí, agus níor fhéad riamh.

Nuair a bhí na boinn á gcnuasach ag an Oir-Ghearmáin ina gcairníní óir agus airgid agus cré-umha sna laethanta úd, ar chreid duine ar bith nach raibh buidéilíní beaga á slogadh agus insteallaí ramhra á sá in áit éigin?

Cad a shíl tú nuair a chonaic tú lucht páirtíochta a raibh matáin orthu nach raibh riamh ar dhuine seachas ar dhamh?

Cad a bhí laistigh de na rópaí sin d’fhéitheacha a bhí ag tógálaithe meáchain as áiteanna lastoir na hÚrail? Ar ghéilleamar riamh dá leithéid sin á cheapadh dúinn go raibh macánta?

Níos measa fós is ea an scrios atá déanta ag na cluichí céanna ar shaol na ngnáthdhaoine i mbruachbhailte Rio de Janeiro, an té a mhachnódh air.

Ceart go leor, nílimid ag iarraidh an iomad smaointe a chaitheamh leis, ach bhí ár agus sléacht sin Tlatelolco i Meicsiceó ar imeall na gcluichí sa bhliain 1968. An mó duine a díbríodh as a bhfearann cearta is córa in Beijing chun spás a dhéanamh don ghlioscarnach mhór?

Níl áireamh orthu, mar ní dhéantar áireamh orthu.

Ina ainneoin seo, áfach, tá léirithe ag Alex Hijmans ina leabhar álainn Favela go ngabhann an saol ar aghaidh don ghnáthdhuine, saol grá, saol grinn, saol gealadhraim sna háiteanna is measa as, mar go bhfuil meanmna an duine ar go leor slite do-chloíte – go háirithe sa Bhrasaíl.

In ainneoin na n-ainneoin, mar sin, is ceart an chamastaíl agus an chaime de gach saghas a fhágaint sa phróca le hais an dorais go ceann cúpla seachtain, d’intinn a dhúnadh ar ar tharla ó buaileadh bob orainn go léir, suí siar agus sult a bhaint as an taitneamh aeistéitiúil a thugann an spórt ar an leibhéal is airde dhúinn.

Tá de bhuntáiste againne nach mbíonn dóchas againn na céadta bonn a ghnóthú go hilmhinic.

Is móide ár meas ar cheann uaigneach dá réir.

Dá mbeadh boinn ag sileadh ó na crainn mar a bhíonn in California níorbh aon chúrsa iontais iad.

Dúinne, laoch fomhórach is ea aon duine a ghabhann i ngar don chraobh.

The Irish Times Logo
Commenting on The Irish Times has changed. To comment you must now be an Irish Times subscriber.
SUBSCRIBE
GO BACK
Error Image
The account details entered are not currently associated with an Irish Times subscription. Please subscribe to sign in to comment.
Comment Sign In

Forgot password?
The Irish Times Logo
Thank you
You should receive instructions for resetting your password. When you have reset your password, you can Sign In.
The Irish Times Logo
Please choose a screen name. This name will appear beside any comments you post. Your screen name should follow the standards set out in our community standards.
Screen Name Selection

Hello

Please choose a screen name. This name will appear beside any comments you post. Your screen name should follow the standards set out in our community standards.

The Irish Times Logo
Commenting on The Irish Times has changed. To comment you must now be an Irish Times subscriber.
SUBSCRIBE
Forgot Password
Please enter your email address so we can send you a link to reset your password.

Sign In

Your Comments
We reserve the right to remove any content at any time from this Community, including without limitation if it violates the Community Standards. We ask that you report content that you in good faith believe violates the above rules by clicking the Flag link next to the offending comment or by filling out this form. New comments are only accepted for 3 days from the date of publication.