Drámaí le feiceáil i mBaile Átha Cliath

Clíona Ní Chiosáin

Clíona Ní Chiosáin

 

Beidh an comhlacht drámaíochta Fíbín páirteach an Fómhar seo, den chéad uair riamh, sa Dublin Theatre Festival, le dráma úrnua Paul Mercier, Réiltín. Is scéal é Réiltín faoi theacht in aois mná óige agus í i lár ghéarchéim na heacnamaíochta.

Tá Réiltín 20 bliain d’aois agus is í atá thíos de bharr an chúlú eacnamaíochta. Ní mar seo a shamhlaigh sí a saol; bhí sí le bheith ina hamhránaí.

Socraíonn sí ar sheó a chur ar stáitse le cor a chur ina saol féin. Is í Clíona Ní Chiosáin – aka Aifric – a bheidh sa phríomhpháirt.

Dúirt Stiúrthóir Bainistíochta Fíbín, Darach Ó Tuairisg, gur mhór an onóir “a bheith ag léiriú dráma ag féile chomh tábhachtach agus léiríonn sé go bhfuil áit ar stáitse domhanda ag saothar a bhfuil suntas cultúrtha leis.

“Tá Réiltín ar an léiriú is uaillmhianaí linn go dtí seo. Tá muid ag iarraidh go mbeidh an lucht féachana sáite sa scéal, scéal a insítear trí cheol, trí fhís agus trí aisteoireacht”.

Beidh Réiltín ar siúl in Amharclann na Mainistreach ar Stáitse na Péacóige, idir 24ú agus 28ú Meán Fómhair. Eolas: www.dublintheatrefestival.com nó 01-6778899.

Agus tá an comhlacht drámaíochta, Guthanna Binne Síoraí, ag léiriú seó Guthanna Síoraí/Everlasting Voices i mBaile Átha Cliath faoi láthair. Díríonn an saothar seo ar fhilíocht na nDuaiseoirí Nobel, Seamus Heaney, W. B. Yeats agus Samuel Beckett agus tá sé á chur i láthair go dátheangach i nGaeilge agus i mBéarla.

I dteannta na filíochta ó Heaney, Yeats is Beckett, beidh ceol, amhránaíocht agus damhsa le feiceáil.

Dúirt stiúrthóir ealaíne an chompántais, Cathal Quinn, gurbh aistear “ón gcliabhán go dtí an uaigh” a bhí ann; bhí “draíocht na hóige, cúrsaí suirí agus grá, saol na seanaoise is an mhachnaimh agus mistéir na beatha féin ann; an fhilíocht le Seamus Heaney, William Butler Yeats agus Samuel Beckett ár dtreorú ar an gconair sin.

“Tá chomh maith natháin againn ón gceathrú Duaiseoir Nobel, George Bernard Shaw, a thugann greann is gearradh don script. Munar leor sin, tá Gaeilge curtha ag Gabriel Rosenstock, file agus aistritheoir mór le rá, ar chuid de na téacsanna sin agus is aoibhinn an diminsean nua a thugann an teanga ársa dóibh”.

Tá an seó ar stáitse anois agus beidh go dtí an Satharn, 16ú Lúnasa in Amharclann Samuel Beckett, Coláiste na Tríonóide, Baile Átha Cliath.

Beidh dhá léiriú ann gach lá ag 1.10pm agus 4pm. Eolas: www.facebook.com/GuthannaBinneSiorai

The Irish Times Logo
Commenting on The Irish Times has changed. To comment you must now be an Irish Times subscriber.
SUBSCRIBE
GO BACK
The account details entered are not currently associated with an Irish Times subscription. Please subscribe to sign in to comment.
Comment Sign In

Forgot password?
The Irish Times Logo
Thank you
You should receive instructions for resetting your password. When you have reset your password, you can Sign In.
The Irish Times Logo
Screen Name Selection

Hello

Please choose a screen name. This name will appear beside any comments you post. Your screen name should follow the standards set out in our community standards.

The Irish Times Logo
Commenting on The Irish Times has changed. To comment you must now be an Irish Times subscriber.
SUBSCRIBE
Forgot Password
Please enter your email address so we can send you a link to reset your password.

Sign In

Your Comments
We reserve the right to remove any content at any time from this Community, including without limitation if it violates the Community Standards. We ask that you report content that you in good faith believe violates the above rules by clicking the Flag link next to the offending comment or by filling out this form. New comments are only accepted for 3 days from the date of publication.