‘Díospóireacht náisiúnta’ de dhíth faoi fhoghlaim na Gaeilge – Joe McHugh

Aire Stáit ar chúrsa Gaeltachta

Aire Stáit na Gaeltachta, Joe McHugh. grianghraf: matt kavanagh/the irish times.

Aire Stáit na Gaeltachta, Joe McHugh. grianghraf: matt kavanagh/the irish times.

Wed, Jul 23, 2014, 01:09

Tá an tAire Stáit do Ghnóthaí Gaeltachta, Joe McHugh T.D., ag iarraidh ar an phobal bheith ina chuideachta agus é ag tabhairt faoin Ghaeilge a fhoghlaim as an nua.

Tá sé ar chúrsa teanga an tseachtain seo i nDún na nGall ach d’eisigh sé ráiteas Dé hAoine ag cur cuiridh ar dhaoine bealach an léinn a shiúl leis.

Ba mhaith leis go mbeadh díospóireacht ann faoin tábhacht atá leis an Ghaeilge agus an bealach ceart le húsáid na Gaeilge a mhéadú.

Bhí sé dóchasach go ngríosódh a chuid iarrachtaí daoine “leis an teanga a labhairt. Tá mé diongbháilte feabhas a chur ar mo chuid scileanna Gaeilge féin. Tá sé ar intinn agam daoine a choinneáil ar an eolas i ndáil leis an dul chun cinn atá á dhéanamh agam agus cuirfidh mé amach tvuíteanna le frásaí úsáideacha a thig le daoine a úsáid sa ghnáthshaol.

“Tá súil agam go dtacóidh muintir na Gaeilge agus na Gaeltachta liom agus mé ag tabhairt faoin aistear foghlama seo sa dóigh is go bhféadfaidh muid oibriú le chéile le húsáid laethúil na teanga a mhéadú ar fud na tíre, mar atá leagtha amach sa Straitéis 20 Bliain don Ghaeilge”.

Dúirt McHugh gur cáineadh é as a easpa cumais sa Ghaeilge; thuig sé “an imní seo go maith agus tá mé ag tabhairt faoin scéal a chur ina cheart agus feabhas a chur ar mo chuid inniúlachta.

“Ba mhaith liom pobal na Gaeilge agus na Gaeltachta a chur ar a suaimhneas i ndáil leis seo ós rud é go bhfuil mé tiomanta go hiomlán d’ionadaíocht a dhéanamh ar a gcuid leasa.

“Léiríonn mó chás-sa an saol mar atá sé do go leor de mhuintir na tíre seo – duine a bhfuil grá aige don teanga ach nár bhain úsáid as na scileanna a d’fhoghlaim sé ar scoil lasmuigh den seomra ranga”.

Dúirt sé go raibh rún aige úsáid a bhaint as a stádas mar Aire Stáit na Gaeltachta “leis an phobal a spreagadh chun an teanga a “athfhoghlaim” in éineacht liom, an méid Gaeilge atá acu cheana féin a úsáid agus feabhas a chur ar a gcuid scileanna chomh maith.

“Ar an dóigh seo, thig linn iarracht a dhéanamh an teanga a ghlacadh isteach inár ngnáthshaol, is é sin, go mbeidh sí fite fuaite inár saol laethúil”.

Ba é a thuairim féin go raibh go leor daoine óga agus aosta a bhí fonnmhar leis an teanga a úsáid agus ba mhian leis iad a spreagadh.

“Beatha teanga í a labhairt,” a dúirt sé agus bhí dóchas aige go bhfaigheadh sé “tacaíocht ón phobal leis an tionscnamh seo”.

PÓL Ó MUIRÍ

Sign In

Forgot Password?

Sign Up

The name that will appear beside your comments.

Have an account? Sign In

Forgot Password?

Please enter your email address so we can send you a link to reset your password.

Sign In or Sign Up

Thank you

You should receive instructions for resetting your password. When you have reset your password, you can Sign In.

Hello, .

Please choose a screen name. This name will appear beside any comments you post. Your screen name should follow the standards set out in our community standards.

Thank you for registering. Please check your email to verify your account.

We reserve the right to remove any content at any time from this Community, including without limitation if it violates the Community Standards. We ask that you report content that you in good faith believe violates the above rules by clicking the Flag link next to the offending comment or by filling out this form. New comments are only accepted for 3 days from the date of publication.