Bua an bhéil bhinn ag Coláiste Belvedere

Craobh na hÉireann de Chomórtas an Phiarsaigh buaite ag an scoil don chéad uair

Bhain Coláiste Belvedere, Baile Átha Cliath, Craobh na hÉireann de Chomórtas an Phiarsaigh Gael Linn 2015 i Má Nuad an tseachtain seo caite.

Is é an chéad uair gur bhuaigh an scoil an comórtas. “Tá téarma eile cumhachta tuillte ag an rialtas reatha!’ an t-ábhar a pléadh.

Ghlac Pobalscoil Naomh Attracta, Tobar an Choire, Co Shligigh; Acadamh Naomh Muire, Ceatharlach, agus Coláiste Chiaráin, Léim an Bhradáin, Co Chill Dara, páirt sa chraobh fosta.

Ach bhí an lá le buachaillí Belvedere agus lena múinteoir Gaeilge, Liz Ó Droma.

READ MORE

Meánscoil Chnoc na Labhras, Luimneach, a bhuaigh Craobh na Sóisear. Mheall Karin Ní Mhásúin, Rachel Ní Mhuirí agus Aisling Nic Domhnaill an lucht éisteachta lena gcuid cainte ar “Is miotas í cairdiúlacht mhuintir na hÉireann!”

Is ar a múinteoirí, Séamus Ó Ceallaigh agus Hazel Ní Anragáin, a bhí bród nó thug an scoil Craobh na Sinsear leo anuraidh fosta.

Dúirt príomhfheidhmeannach Ghael Linn, Antoine Ó Coileáin, gur chuid lárnach den oideachas in Éirinn iad díospóireachtaí Gael Linn le breis is 50 bliain anuas agus go raibh tionchar fadsaoil acu ar dhaltaí.

Pól Ó Muirí

Pól Ó Muirí

Pól Ó Muirí is a former Irish-language editor of The Irish Times