An troika a fuair an ticéad

Ger Brennan agus Rory O’Carroll. Photograph: Dara Mac Dónaill/The Irish Times

Ger Brennan agus Rory O’Carroll. Photograph: Dara Mac Dónaill/The Irish Times

Wed, Sep 25, 2013, 01:37

Is focal é Troika a shamhlófar sa tír seo i gcomhthéacs na gruamachta go deo na ndeor, a scríobhann Caoimhe Ní Laighin. Ar ndóigh, is carr sleamhnáin de chuid na Rúise é chomh maith. Agus port an-deas a scríobh Sergei Prokofiev. Ach ní
smaoineoidh mise feasta ar aon rud eile seachas Cluiche Ceannais na Peile, 2013 ar an bhfocal Troika a chloisteáil.

Ag seasamh i scuaine in Aldi a bhíos nuair a thosaigh sé, ag smaoineamh ar an méid samhnais atá agam ar an gcine daonna. Chuala mé ag blíp ar an iPhone. Tvuít a bhí ann, ag rá “is féidir liom cuidiú leat”.

Ach an oiread le gach duine eile i mBaile Átha Cliath, bhíos sa tóir ar thicéad don chluiche mór idir Baile Átha Cliath agus Maigh Eo. Bhí ag teip glan orm. Cuid den lucht leanúna “dea-aimsire” atá ionamsa. Mar sin, ní bheinn ró-ard ar an liosta agus ticéid á dtabhairt amach.

Chuireas scéal amach dúirse dáirse ar Facebook agus Twitter go raibh ticéad ag teastáil uaim.

Ach ní rabhas ag súil le haon toradh air sin, i ndáiríre; níl an oiread sin muiníne agam as daoine i gcoitinne. Mar sin, bhain sé siar asam nuair a fuair mé an tvuít in Aldi.

Fear a bhfuil cónaí air i nGaillimh agus nach bhfuil aithne ar bith agam air a chuir an teachtaireacht chugam. Tabharfaidh muid “Eoghan” air – mar sin an t-ainm atá air.

“Tá ticéad ag m’uncail”, arsa Eoghan, “agus ní dóigh liom go bhfuil sé i gceist aige freastal ar an gcluiche.”

Fuair Eoghan an ticéad óna uncail agus aghlaidhluach air. Bheadh sé ag teacht salach ar fhealsúnacht an CLG, a dúirt sé, níos mó ná sin a ghlacadh.

Ach bhí fadhb le sárú: ní raibh Eoghan sásta é a chur sa bpost.

Ansin a tháinig Leola isteach sa scéal…..an tarna duine den triúracht seo.

Comhghleacaí de mo chuid atá inti agus bhí sí le dul go Baile Átha Cliath ó Ghaillimh an lá roimh an gcluiche. Thiomáin sí as a bealach leis an ticéad a bhailiú ó Eoghan.

Ach bhí dúshlán ní ba mhó arís le sárú: bhíos in ainm is a bheith ag obair lá an chluiche mhóir. Ní dóigh liom go mbeidh mé i dtrioblóid rómhór ag rá nach bhfuil an seomra nuachta i gceannáras an chraoltóra náisiúnta ag cur thar maoil le daoine gur féidir leo feasacháin a léamh i nGaeilge. Agus bhí foireann na nuachta Gaeilge i mBaile Átha Cliath uilig gafa lá an chluiche.

Ach dá deoin féin, thiomáin comhghleacaí eile de mo chuid – Máire Treasa – ó Ghaillimh go Baile Átha Cliath leis an seal oibre a chlúdach.

Ar ndóigh, bhí an lá (agus an-lá) ag foireann agus muintir na hardchathrach.

Ach dom féin, bhí an lá le dea-thoil mo Troika. Agus go ceann seachtaine nó dhó ar a laghad, beidh mé ceanúil ar gcine daonna agus ní bheidh fonn orm daoine i scuainí a mharú.


Is iriseoir de chuid RTÉ/TG4 í Caoimhe Ní Laighin

Sign In

Forgot Password?

Sign Up

The name that will appear beside your comments.

Have an account? Sign In

Forgot Password?

Please enter your email address so we can send you a link to reset your password.

Sign In or Sign Up

Thank you

You should receive instructions for resetting your password. When you have reset your password, you can Sign In.

Hello, .

Please choose a screen name. This name will appear beside any comments you post. Your screen name should follow the standards set out in our community standards.

Thank you for registering. Please check your email to verify your account.

We reserve the right to remove any content at any time from this Community, including without limitation if it violates the Community Standards. We ask that you report content that you in good faith believe violates the above rules by clicking the Flag link next to the offending comment or by filling out this form. New comments are only accepted for 3 days from the date of publication.